Николоски: Галопирачки раст на инфлацијата, очекувам надлежните да донесат мерки
Се очекува зголемување на цените на нафтата, струјата и прехранбените производи, поскапува маслото за јадење, хигиенските производи - вели потпретседателот на ВМРО-ДПМНЕ.
Потпретседателот на ВМРО-ДПМНЕ, Александар Николоски денеска беше во посета на општина Карпош. Тој во изјавите за медиумите се осврна и на економската состoјба во земјава, односно загрижувчките прогнози за инфлацијата.
– Пред два дена зборував за појавата на галопирачка инфлација во Македонија. Проекцијата на НБРМ беше дека таа ќе изнесува 1, 5 % , потоа НБРМ излезе со ревидирана проекција дека инфлацијата ќе изнесува 2,5 %, а сега во овој момент инфлацијата е 3%, што значи едно сериозно поскапување на животот на граѓаните. Се очекува зголемување на цените на нафтата, струјата и прехранбените производи, поскапува маслото за јадење, хигиенските производи. Едно целосно поскапување и галопирачка инфлација, која што ако не се спречи од паметни политики, потоа не може да се спречи. Затоа очекувам надлежните институции да донесат мерки во однос на инфлацијата – изјави Александар Николоски, потпретседател на ВМРО ДПМНЕ, при посетата на општина Карпош.