Николоски до Јовевски: Дали се испитува поврзаноста на 29 струмички компании со пропаѓањето на Еуростандард банка?

Би сакал да прашам дали се испитува поврзаноста на според Извештајот на стечајниот управник, 29 компании за кои што индикативно е дека сите се со седиште во Струмица, се со сопствеништво во Струмица и се меѓусебно поврзани или се сопственички поврзани, или имаат исти управител кој што имаат сериозна сума на кредити подигнато од Еуростандард банка, но се уште ги немаат вратено и престанале да ги враќаат во ист или сличен временски период што значи дека се работи за координирана акција, праша .Александар Николоски, пратеник и потпретседател на ВМРО-ДПМНЕ на денешната собраниска комисија за надзорна расправа за пропаѓањето на Еуростандард банка.

Прашањето му беше упатено кон  државниот јавен обвинител Љубомир Јовевски.

Според Николоски, пропаѓањето на Еуростандард банка е најголем финансиски скандал во државата по аферата ТАТ.

–  Имајќи предвид дека пропаста на Еуростандард банка е можеби најголемиот финансиски скандал во Македонија по аферата ТАТ, добро е да знае јавноста дали средствата кои што пропаднаа и на фирмите и на граѓаните кои што имаа влогови над 30.000 евра се исцицани преку фиктивни кредити и дали овде се работи за посериозен организиран криминал во кој што не е инволвирана само раководната структура на банката туку и вкупно 29 компании сите со седиште во Струмица и сите сопственички поврзани, или поврзани во делот на управување – рече Николоски.