НИК РАЈНЕР БИЛ КАКО ТЕМПИРАНА БОМБА Синот-убиец започнал со испади потхранети со метамфетамин додека Роб и Мишел се заканувале дека ќе го избркаат

Пред да биде уапсен поради убиствата на неговите родители, Ник Рајнер, синот на Роб и Мишел Рајнер, започнал со агресивни испади потхранети со дрога, а неговите родители наводно му се заканувале дека ќе биде избркан од домот.

– Ник живеел во нивната гостинска куќа, истата што ја уништил повеќе од еднаш, но таа била како ротирачка врата целиот негов возрасен живот – изјавил извор за Дејли Меил.

Тој се смеел за уништувањето на куќата на неговите родители повеќе од еднаш и бил многу ноншалантен во врска со тоа.

За време на интервјуто од 2018 година за подкастот „Dopey“, Ник се присети на својот бес поттикнат од метамфетамин што го оставил буден со денови и поради кои удирал некои работи во куќата, како што се телевизор и ламба.

– Сè во куќата беше уништено – рекол тогаш Ник.

– Тој земал метамфетамин и не спиел со денови, а потоа имал испади, кршел работи, удирал ѕидови – открил изворот за Дејли Мејл, објаснувајќи дека сценаристот „немал контрола“ и еднаш „удрил во ѕидот од бањата“.

– Тој беше темпирана бомба – рекол изворот. Неговата употреба на дрога се влошувала и неговите родители сакале да го исфрлат од дома.

Ник, кој бил и излегувал од рехабилитација, наводно земал и „пари од своите родители за дрога и проститутки“.

– Тој зборувал за овие работи на состаноците, но потоа престанувал да оди затоа што рекол дека било премногу култно – тврди изворот.

Ник беше уапсен во неделата откако неговите родители беа пронајдени избодени до смрт во нивниот дом во Лос Анџелес. Тој е задржан во Поправниот дом „Твин Тауерс“ и наводно е под надзор поради опасност за самоубиство.

Инсајдери за „The Post“ изјавија дека ќерката на Роб и Мишел, Роми, ги пронашла нивните тела.