НИ СЕ ПАДНАА НАЈТЕШКИТЕ Бобо Виери признава дека Македонија е тежок противник за Италија
Сите гледаат дерби Италија-Португалија, а ние најпрво имаме задача да ја победиме Македонија. А тоа воопшто нема да биде лесно, зашто во денешниот фудбал секој игра и секој може секого да победи, изјавил поранешниот италијански фудбалер Кристијан Виери.
Легендарниот поранешен италијански репрезентативец и напаѓач на Интер, Кристијан Виери, ја оцени вчерашната жрепка за европскиот првак Италија како најтешка, оти, како што рече, уште во полуфиналето не добиле посакуван ротивник оти Македонија не е лесен залак.
– Ни се паднаа најтешките противници. Не ми изгледа баш најдобро сето ова. Сите гледаат дерби Италија-Португалија, а ние најпрво имаме задача да ја победиме Македонија. А тоа воопшто нема да биде лесно, зашто во денешниот фудбал секој игра и секој може секого да победи – изјавил Виери.
Тој смета дека италијанските фудбалери ќе чувствуваат и огромен притисок поради европската титула што ја освоија летово.
– Атмосферата е потполно различна од таа пред Европското првенство. Италија сега е европски шампион, па притисокот врз играчите е неверојатен. Нè чека Македонија, а пак ќе повторам дека нема да биде лесно да ги победиме. Ни се паднаа најлошите опции, оваа жрепка беше кошмарна – смета Виери.