„НЕВРОХИРУРГОТ НА ЗАЕВИ“ ЈА МАНИПУЛИРА ЈАВНОСТА Обвинувањата за „мрачно враќање“ се чиста демагогија

Обвинувањата на неврохирургот на Заев, Филипче, за „мрачно враќање“, се чиста демагогија. ВМРО-ДПМНЕ ќе продолжи со враќање на довербата во институциите и зајакнување на демократијата.

Вака владејачката ВМРО-ДПМНЕ реагираше на изјавата на Венко Филипче, кого го нарекува „неврохирургот на Заеви“. За партијата „тоа е уште еден обид за манипулација со јавноста и продолжување на политиката на двојни стандарди“.

„Наместо да се соочат со реалноста дека нивното владеење остави институции потонати во корупција, непотизам и партизација, сега се обидуваат да го префрлат вниманието преку лажни обвинувања“, се вели вио соопштението..

„Владата предводена од ВМРО-ДПМНЕ и премиерот Христијан Мицкоски се обврзани на реформи кои ќе ги вратат институциите на граѓаните и ќе обезбедат вистинска деполитизација и професионализација. Вистината е дека токму во време на СДСМ, институциите беа заложници на партиски интереси, а довербата на граѓаните во системот достигна историски најниско ниво. Наша цел е градење транспарентен и одговорен систем кој ќе биде во служба на граѓаните, а не на партиите. Со реформите кои ги воведуваме, Советот за граѓански надзор ќе биде столб на независност и професионализам, за разлика од контролираниот хаос што го остави СДСМ“, се вели во соопштението.

ВМРО-ДПМНЕ смета дека обвинувањата за „мрачно враќање“ се чиста демагогија од страна на тие кои беа синоним за неуспеси, блокади и скандали. Партијата ќе продолжи да работи на враќање на довербата на граѓаните и на зајакнување на демократијата, наместо да ја користи како алатка за евтини политички поени, како што тоа го прави опозицијата.

ПАРТИЗАЦИЈА НАМЕСТО ДЕПОЛИТИЗАЦИЈА Филипче го обвини Мицкоски дека користи режимски практики