НЕТАНЈАХУ СЕ ЖАЛИ, СИН МУ ДВАПАТИ ОТКАЖУВА СВАДБА „Сите ја плаќаме цената за нападите на Иран“
Има ранети, некои семејства ги изгубија најблиските. Секој од нас плаќа лична цена и моето семејство не е поштедено. Син ми Бени Авнер веќе вторпат ја откажува венчавката поради ракетни напади, изјави израелскиот премиер при посета на болницата во Бершева која е тешко оштетена во нападите од Иран.
Бени Авнер, синот на израелскиот премиер Бенјамин Нетанјаху, двапати ја откажува својата свадба поради нападите на Иран врз Израел. Неговиот татко, посетувајќи ја болницата „Сорока“ во Бершева која денеска беше тешко оштетена се пожали дека тој морал да ја откаже прославата која требаше да се одржи во понеделникот.
– Целиот израелски народ ја плаќа цената. Има ранети, некои семејства ги изгубија најблиските. Секој од нас плаќа лична цена и моето семејство не е поштедено. Син ми Бени Авнер веќе вторпат ја откажува венчавката поради ракетни напади. Тоа е лична цена и на неговата свршеница. Мојата драга сопруга е херој, и таа плаќа своја цена – кажа Нетанјаху.
Netanyahu: “There have been people killed. Each one of us pays a personal price. My son Avner canceled his wedding.”
HE IS COMPARING HIS SON WEDDING TO LIVES OF OTHER PEOPLE! pic.twitter.com/hUZ9vFr6Op
— Muhammad Smiry 🇵🇸 (@MuhammadSmiry) June 19, 2025
Според израелските медиуми, полицијата имаше поставено блокади на патот и бодликава жица околу лусузна сала близу Тел Авив, а воздушниот простор требаше да биде затворен во радиус од еден и пол километар.
Антивладините демонстранти во Израел го обвинуваат семејството Нетанјаху дека сака да прави веселби додека некои израелски заложници и натаму се држат во Газа.