НЕТАНЈАХУ СЕ ЗАКАНИ СО „СИЛЕН УРАГАН“ КОЈ ЌЕ ГО СРУШИ ГРАДОТ ГАЗА На Палестинците им порача да го напуштат градот
Во меѓувреме, Хамас го проучува најновиот предлог на САД за примирје за кој претседателот Доналд Трамп предупреди дека тоа е „последна шанса“ на Хамас.
Израек им порача на жителите на Газа веднаш да го напуштат градот откако предупреди дека ќе ги засили воздушните напади и копнените операции во Појасот Газа во „моќен ураган“ ако Хамас не ги ослободи последните заложници што ги држи и не се предаде.
Во последното предупредување израелската војска ѝ порача на палестинска милитантна група дека Газа ќе биде уништена доколку не се разоружаат и ослободат 48 заложници.
Жителите велат дека израелските сили го бомбардирале градот Газа од воздух и разнеле стари оклопни возила на улиците.
Во меѓувреме, Хамас го проучува најновиот предлог на САД за примирје за којпретседателот Доналд Трамп предупреди дека тоа е „последна шанса“ на Хамас.
– Им реков на жителите на Газа: предупредени сте – тргнете се од таму! – рече премиерот Бенјамин Нетанјаху, додавајќи дека Израел во последните денови срушил 50 „терористички облакодери“ во предвесник на „копнена операција“ во Газа.
Министерот за надворешни работи Израел Кац рече дека „денес моќен ураган ќе го погоди небото над градот Газа, а покривите на облакодерите на теророт ќе се тресат“.
Израелските одбранбени сили (ИДФ) бомбардираа 12-катен облакодер во центарот на градот Газа, во кој се сместени многу раселени семејства, три часа откако ги повикаа оние во облакодерите и оние во околните шатори да заминат.
Според високи израелски претставници, најновиот предлог на САД би барал од Хамас да ги врати преостанатите живи и мртви заложници на првиот ден од прекинот на огнот, за време на кој ќе се водат преговори за завршување на војната.
Хамас тврди дека ќе држи барем неколку заложници додека не завршат преговорите. Во соопштението за медиумите, тие наведоа дека се посветени на нивно ослободување, но со „јасна најава за крајот на војната“ и повлекување на израелските сили.