Ненадејно угина жирафата Тобого во скопската Зоолошка
„Со голема тага и болка ве известуваме дека вчера ненадејно не напушти нашиот Тобого. Денеска беше направена обдукција при што не беа констатирани физички повреди и во наредните денови ги очекуваме целосните резултати“, соопштија вечерва од Зоолошката градина Скопје.
Жирафата Тобого заедно со Каспер и Флопи беше меѓу омилените жители на скопската зоолошка. Тој беше миленик на вработените и на посетителите.
Можеби ќе ве интересира
Роден е во Франкфурт на 09.12 2010 година, а жител на Скопје ЗOO беше од 05.11 2013 година.
„Сите сме неизмерно тажни и со скршени срца поради неговото заминување. Трчај во небесната савана Тобого, многу ќе ни недостасуваш на сите, но ќе останеш засекогаш запаметен“, напиша Зоолошката градина Скопје на профилот на Фејсбук.