НЕМА СЛОБОДА ЗА БРЕЈВИК Судот одлучи дека мора да остане во затвор
Норвешкиот окружен суд денеска одлучи дека 42-годишниот Андрес Брејвик, неонацист кој уби 77 луѓе, мора да остане во затвор, објави Скај њуз.
Тој тврдеше дека се откажал од насилството и побарал условна слобода, десет години откако беше осуден на 21 година затвор, која може да биде продолжена доколку се смета дека е опасен за околината.
Десничарскиот екстремист пред 11 години првин активираше бомба во близина на владината зграда во Осло, убивајќи осум лица, а потоа уби 69 луѓе, главно млади, пукајќи во летниот камп на млади на островот Утоја.
Неговата казна во 2012 година е придружена со одредба од најмалку десет години затвор пред да може да поднесе барање за условно ослободување, што било законски максимум во тоа време.
Инаку, условно ослободување може да се бара секоја година.