НЕМА ПРОМЕНА ВО ЖЕНСКИОТ РАКОМЕТ Актуелниот првак Норвешка ја одбрани титулата

За Норвешка ова е седма европска титула од вкупно деветте во 21-от век за да потврдат дека се аполутни ракометни владетели, а имаат уште четири светски титули и две олимписки злата.

110

Актуелниот женски ракометен првак Норвешка го одбрани европскиот трон и по деветти пат е европски првак, после вечершното спектакуларно скандинавско финале во кое Норвежанките во последните пет минути првпат поведоа и на крајот триумфираа против Данска со 27-25 во финалето на ЕП 2022 на кое ко-домаќин беше и Македонија.

Цел меч Данска беше во водство, уште од самиот старт, стигнуваа и до плус пет во првата половина од првиот дел (9-4, 10-5), а до 42-та минута има плус четири 22-18 и тука данските ракометарки застанаа. Осум минути потоа не дадоа гол, Норвешка со 4-0 стигна до прв егал 22-22 после воведните 2-2, а во последните десет минути кога се сè решаваше Данска даде само два гола, а Норвешка пет минути пред крајот првпат поведе и предноста потоа не ја испушти за триумф.






За Норвешка ова е седма европска титула од вкупно деветте во 21-от век за да потврдат дека се аполутни ракометни владетели, а имаат уште четири светски титули и две олимписки злата.

Мeрк со осум гола беше предводничка кај Норвежанките, а Бреистол даде четири, додека кај Данска, Бургард даде шест, а Фрилс погоди петпати.

Црна Гора приреди сензација во последниот ден од Европското првенство. Оваа репрезентација беше најмотивирана кога беше најпотребно, водена од своите фанови кои дефинитивно го одбележаа овој шампионат, го совлада актуелниот олимписки првак, Франција со 27-25 и се закити со бронзен медал.

Поврзани содржини