НЕМА ПОВРЕДЕНИ РАБОТНИЦИ Изгаснат е пожарот во блок 3 во РЕК Битола
Тоа е еден од двата блока со кои во моментот работеше комбинатот.
Пожар избувна на изолатор на трансформаторот на блок 3 во РЕК Битола вечерва во 22.50 часот, но веќе е изгаснат и нема повредени, информираа од АД Електрани на Северна Македонија.
„Вечерва изби пожар на блок 3 во РЕК Битола, еден од двата блока со кои во моментот работеше комбинатот (блок 1 и 3). Огнот изби во 22.50ч. на изолатор на трансформаторот на блок 3, надвор од електраната. Нема повредени, а огнот е брзо изгаснат“, се наведува во соопштението од АД Електрани.