НЕМА НОВИ ЛИЦА ВО СДСМ, СИТЕ СЕ ПОД ВОДСТВО НА ЗАЕВ Филипче е лидер само на хартија, обвини ВМРО-ДПМНЕ

Нема нови лица во СДСМ. Целото партиско раководство, под водство на марионетата на Зоран Заев, Венко Филипче, се стари и излитени кадри, обвини ВМРО-ДПМНЕ преку соопштение.

„Сите до еден се луѓе на Зоран Заев и тој сѐ уште раководи со партијата. Филипче е само фигура и само на хартија претседател на СДСМ. Третиот и четвртиот ешалон од времето на владеење на Заев со државата и со СДСМ, сега се најдоа во најтесното раководство на партијата, каде што за претседател е поставен Венко Филипче, марионета на Заев. Најголемите потрчковци и послушници на Заев, меѓу кои и разни поранешни НВО и Сорос активисти, кои само тој може да ги контролира, сега ги става во служба на Филипче. Граѓаните, но и чесните членови на СДСМ, не можат да очекуваат ништо ново од рециклирани кадри, верни слуги на Заев кои сега се ставија во служба на Филипче. Тие кои се изворот на најдлабокиот изборен пораз на СДС во историјата, не можат да бидат решение и да се продаваат за нови лица. Како верни извршители на наредбите на Заев, сегашното раководство на СДСМ на чие чело е поставена неговата марионета, Венко Филипче се директно виновни за целосниот хаос во државата. Тие се виновни што за седум години власт, не преземаа никакви мерки и што граѓаните дишат загаден воздух“, се вели во соопштението.

Целото раководство на СДСМ, а пред сѐ и Филипче, како поранешен министер за здравство, се директи виновници за лошите состојби во здравството, наведено е таму.

„Тие се виновни и за неинвестирањето во инфраструктурата, како и за целосното назадување во сите полиња на државата. Најлошиот избор на ‘децата’ на Заев кои сега се раководство на СДСМ и во служба на неговата марионета, Венко Филипче како што за седум години ја заглавија и уназадија Македонија, така можат само дополнително да го заглават и СДСМ“, соопшти ВМРО-ДПМНЕ.