Нема кеси, пестициди, пластика и газди, само добра храна, добра земја и среќни задругари
Повеќе грижа, помалку профит, е концептот на кој функционира првата задруга на потрошувачи на органска храна „Добра земја“, приватна компанија во која нема газди, туку секој има свои обврски и одговорности. Една од првите компании кај нас што ѝ објави војна на пластиката и место каде што се обидуваат да продаваат исклучиво органски производи по што попристапни цени за купувачите и што подостојни за земјоделците.
Нашиот соговорник Иво Бару е косопственик, поточно ко-задругар на „Добра Земја“ – Прва задруга на потрошувачи на органска храна и еден од оние среќници чија работа е и негов концепт за живеење. Добра земја, пак, се први регионални победници на натпреварот за зелени идеи кој кај нас го организира социјално иновативната организација АРНО.
Проектот има за цел да ги стимулираа и охрабри иновациите за зелени бизнис идеи на локално ниво и да ја истражи улогата на филантропијата во вклучувањето на локалните заедници кои генерираат зелени бизнис идеи. Зелените бизнис идеи генерирани од заедниците се однесуваат на употреба на локалните ресурси и ревитализација на исчезнувањето на традиционалните производствени синџири и пазари во заедницата.
Нам ни изгледа дека „Добра земја“ го спроведува ова навистина добро.
Однадвор гледано, тоа е продавница како секоја друга продавница за овошје и зеленчук. Мала и скромна, сместена во скопската населба Тафталиџе 1, но во суштина станува збор за комплексен еко-концепт што ги поддржува локалните и мали органски производители, но е и еден вид едукативен центар за одржлив развој и еколошки начин на живот.
Целиот текст прочитајте го на порталот „Арт кујна“.