НЕМА ФАЈДЕ ОД ЗАПИРАЊЕ СТРЕЛИ, КИЕВ ТРЕБА ДА ГИ НАПАДНЕ СТРЕЛЦИТЕ Борел се надева дека и ЕУ ќе ѝ дозволи на Украина да удри длабоко во Русија
Шефот на дипломатијата на ЕУ, Џозеп Борел, се надева дека Украина ќе може да го искористи оружјето, кое го добила од Западот, за напад длабоко во руската територија.
Шефот на дипломатијата на Европската унија, Жозеп Борел, денеска изрази надеж дека земјите-членки на ЕУ ќе ѝ дозволат на Украина да користи ракети со долг дострел за напади во Русија.
- БАЈДЕН ЈА СМЕНИ ИГРАТА ПРЕД ЗАМИНУВАЊЕ Украина ќе користи ракети со долг дострел за напади во Русија
– Повторив дека Украина треба да биде во можност да го користи оружјето што ѝ го дадовме, не само за да ги „запре стрелите“, туку и за да ги погоди „стрелците“. Сè уште верувам дека тоа треба да се направи. Сигурен сум дека повторно ќе разговараме. Се надевам дека земјите-членки ќе се договорат за тоа – рече Борел во пресрет на средбата со министрите за надворешни работи на земјите-членки на ЕУ.
Според „Њујорк Тајмс“, извештаите на агенциите и според други медиуми, администрацијата на претседателот во заминување, Џозеф Бајден, вчера ѝ одобрила на Украина да користи крстосувачки ракети со долг дострел ATAЦMС за напади длабоко во руска територија.
МАСК ГО КРИТИКУВА БАЈДЕН ЗА УПОТРЕБА НА РАКЕТИТЕ ВО УКРАИНА Што правеше последните два месеца?