„НЕМА ДА ИМА ВЛАДА БЕЗ УСТАВНИ ИЗМЕНИ“ Бујар Османи се закани, а ДУИ директно го нападна Изет Меџити
„Ги известуваме Меџити и проруските деривати дека корупцијата и криминалот имаат име, општина Чаир, веќе преобразена во противправна сопственост на два-тројца, кои плашејќи се од следниот пораз се кријат под антиевропските политики и проруската ВМРО-ДПМНЕ“, се вели во соопштението на ДУИ.
„Ние сме третиот блок, кој има кредибилитет за мандат и за да ја води државата а водено и да изгради ѕид против национализмот на ВМРО-ДПМНЕ. Нема да има влада без уставни измени. Затоа, овие избори се вонредни. Затоа, потребна ни е вашата поддршка. Оној што ќе победи на 24 април победува и на 8 мај”, истакна претседателскиот кандидат НА ДУИ, Бујар Османи, на средбите со граѓани во селата Групчин, Добарце, Палатица, Требош и Стримница.
ДУИ, пак, се огласи со соопштение во кое остро го нападна Изет Меџити.
„Изет Меџити и другите деривати на ВМРО-ДПМНЕ се засрамени од длабокиот пораз од Европскиот фронт, додека се обидуваат да свртат внимание на фактот дека и како губитници можат да бидат дел од Владата, со оглед на блиската соработка со Мицкоски и Апасиев од Левица“.
„Ги информираме Меџити и дериватите на Москва, дека ДУИ и Европскиот фронт коалицираат само со граѓаните, додека САД и Европската Унија се партнери. Ова партнерство ќе биде запечатено на 24 април и 8 мај, кога Европскиот фронт ќе помине со повеќе од 20 пратеници“.
„Воедно, ги известуваме Меџити и проруските деривати дека корупцијата и криминалот имаат име, општина Чаир, веќе преобразена во противправна сопственост на два-тројца, кои плашејќи се од следниот пораз се кријат под антиевропските политики и проруската ВМРО-ДПМНЕ“, се вели во соопштението на ДУИ.