НЕМА ДА ИМА РЕСТРИКЦИИ НА СТРУЈАТА Ковачевски ги потврди одлуките на РКЕ

Брзата реакција на Владата и мобилизирањето на сите производители на струја биле клучни да не се случи ценовен шок, напиша вечерва на својот Фејсбук-профил лидерот на СДСМ и мандатар за нова Влада, Димитар Ковачевски, потврдувајќи уште еднаш дека нема да има рестрикции на струјата, а ќе се укине само дневната евтина тарифа од 2 до 4 часот попладне.

„Покачувањето на цената на електрична енергија за следната година ќе биде 9,48 проценти, што е далеку под првичните прогнози од преку 25 отсто. Се задржува ноќната евтина тарифа на струјата, како и таа во недела, а рестрикции нема да има. Владата дополнително обезбеди 60 милиони денари помош со Програмата за заштита на ранливи потрошувачи на енергија за 2022 година“, објави Ковачевски.