НЕМА ДА Е КРАЈ НА СВЕТОТ АКО АРТАН, БУЈАР И БЕСИМИ ЈА ЗАВРШАТ КАРИЕРАТА Муса Џафери ги критикуваше сопартијците од ДУИ

Муса Џафери во емисијата „200“ на Алсат не ги поштеди своите сопартијци од ДУИ од критики. Тој дури и рече дека на 29 октомври нема да биде трагично ако некои од министрите се заминат и имамре реконструкција. Тој вели дека во ДУИ не сакаат да имаат позитивна конкуренција и дека попрво би ја „повториле годината“ во истиот состав.

– Јас сам бев министер и ако се повтори оваа генерација, тоа ќе биде предност и за ДУИ и за Албанците затоа што не сакаат да се конфронтираат за да имаат позитивна конкуренција, туку го слушнаа првиот што ги насочил со стап – рече Муса Џафери од ДУИ.

– Мислите на г. Груби?

– Да.

Џафери заговара реконструкција бидејќи министрите од ДУИ предводени од вицепремиеро Артан Груби не дале резултати.

– Треба да има реконструкција, не е многу трагично. Сите ние што сме избрани за министри сме сменети во различни ситуации, тоа е многу практично и здраво. Тие што мислат дека може да им биде направена неправда, се создало мислење дека не е успешен и не го сакаат гласачите и структурите, може да работи за партијата и да се врати. Не знам зошто е крај на светот ако може да се реконструираат Артан, Бујар или Фатмир Бесими, мојот колега – вели Џафери.

Џафери дури ги критикуваше своите сопартијци за неправедно присвојување на заслугите, како што е членството во НАТО, додека практичните работи ги оставиле незавршени.

– Што прават овие министри? Да немаме илузии дека министрите од ДУИ ја ставиле Македонија во НАТО. Не сме во 1948 или во педесеттите години и да се залажуваме дека нашето влијание наводно ги убедило Макрон и бугарската влада за договор. За среќа, се направи договор, но имаме и практична работа – вели Џафери.

На критиките на Џафер одговори само министерот за економија Крешник Бектеши кој рече дека на состанокот на Централното претседателство се ќе се каже за успесите и неуспесите на министрите на ДУИ.

– Што се однесува до извештајот и за тоа што се случило за реализацијата на капиталните инвестиции, за тоа ќе се реферира на Централното раководство и секојдневно секој функционер на ДУИ ја информира јавноста колку се реализирани инвестициите во различни области – рече Бектеши.

Ниту еден од другите министри од ДУИ, вклучително и првиот вицепремиер, не ги коментираше критиките и обвинувањата на Џафери кој смета дека се причина за поразот на ДУИ во Тетово, покрај несредувањето на градскиот стадион и градската болница. Џафери во својство на член на Надзорниот совет на ДУИ го истакна неспроведувањето на Законот за употреба на албанскиот јазик во владините комисии и доцнењето со изградбата на автопатот Кичево-Охрид.

За обвинувањата на „Огнената група“ против Груби и тврдењата дека тој може да го заземе местото на Али Ахмети, Муса Џафери рече дека Ахмети никогаш нема да му дозволи такво нешто на првиот вицепремиер.

– Не може Артан Груби да го брани местото на Али Ахмети ако се обидува некој да го заземе, најмалку тој може да биде заштита – за ова немам никаква дилема – вели Муса Џафери.