НЕДОСТАТОК НА ПРОТЕИНИ КАЈ ДЕТЕТО ВО РАЗВОЈ Помалку од овој нутриент, може да го забави растот и негативно да влијае на когнитивните функции
Овој важен нутриент кај децата е потребен за развој на цврсти коски и мускули, за изградба на силен имунолошки систем и за регулирање на апетитот
Протеините се, слободно може да се каже, во тренд. Тие се појавуваат и се додаваат во сè, од житарки, јогурт и пудинзи до леб, смеса за палачинки и чоколадо. Но, дали знаете кој е соодветниот внес на протеини за децата во раст и дали му ги давате премногу на вашето дете?
Суштински елемент
– На децата им се потребни за развој на цврсти коски и мускули, за изградба на силен имунолошки систем, за регулирање на апетитот и за уште многу работи. На децата им се потребни протеини за да им помогнат на нивните тела да функционираат најдобро што можат и да им помогнат добро да се опорават по долг ден во училиште и по разни воннаставни активности – вели д-р Лук Ц. Радел, педијатар во клиниката Мајо.
Несоодветниот внес на протеини за време на периодот на развој може да го забави растот и негативно да влијае на развојот и на когнитивните функции.
– Недостатокот на протеини може да го ослабне имунолошкиот систем, што доведува до зголемена подложност на инфекции и болести. Покрај тоа, премалиот внес на протеини може да го забави закрепнувањето од повреди, операции или болести – објаснува д-р Стефани Џонсон, професорка на Одделот за клинички и превентивни нутриционистички науки на Универзитетот Рутгерс во Њу Џерси.
Прочитајте повеќе на „Мајка и дете“.