НЕ СУМ НАЦИСТ, САМО НЕВИНО ОТПОЗДРАВИВ Бугаринот Џамбаски се правда за инцидентот во Европарламентот

Бугарскиот европратеник Ангел Џамбаски и десничар од партијата на Красимир Каракачнов предизвика скандал во Европскиот парламент во Брисел кога на излез од пленарната сала отпоздрави со „Хајл Хитлер“. Еве како тоа изгледаше:

Parce qu’il a défendu l’état de droit en 🇪🇺, @sandrogozi s’est fait insulter par l’eurodéputé @djambazki, qui a quitté l’hémicycle en faisant un scandaleux salut nazi.

Tu as tout notre soutien Sandro.

Nous demandons à Mme Metsola, @EP_President, d’agir. pic.twitter.com/rIXrbB5wO1

— Renaissance (@Renaissance_UE) February 16, 2022

„Фактот што некој не се согласува со вас не значи дека е нацист. Се извинувам ако моето невино мавтање навреди некого“, се огласи на Твитер Џамбаски по скандалот.

Претседателката на Европскиот парламент Роберта Мецола рече дека „фашистички поздрав во Европскиот парламент е недозволив, секогаш и секаде“.

–  Ова ме навредува мене и сите во Европа – додаде таа.

Францускиот државен секретар за европски прашања, кој беше присутен во пленарната сала на европарламентот во Стразбур, го нарече гестот на Џамбаски „скандалозен и шокантен“, пишува СДК.

Џамбаски во јавноста е познат по антимакедонските ставови и неговото контроверзно видео во кое тврдеше дека „Охрид е бугарски“. На вчерашната седница во Европскиот парламент, тој застана зад Полска и Унгарија во однос на владеењето на правото во овие две земји, кое веќе подолго време е оспорувано од Брисел.