НЕ СМЕ ИДИОТИ ДА ГО ДАДЕМЕ ДОНБАС ЗА ГАРАНЦИИ Зеленски вели дека САД погрешно ја читаат војната

Тензии во односите меѓу Киев и Вашингтон избија на површина по новите предлози за крај на војната. Претседателот на Украина Володимир Зеленски ги отфрли идеите безбедносните гаранции од САД да бидат условени со повлекување на Украина од регионот Донбас.

– Велат дека гаранциите ќе дојдат по завршување на војната, а војната ќе заврши ако се повлечеме од Донбас. Не сме идиоти. Знаеме што значи тоа – изјави Зеленски во интервју за германски ЗДФ.

Киев го гледа ова како неприфатлив услов.

Зеленски се осврна и на ставовите во САД.

– Некои мислат дека Русија победува. Тоа е погрешно – изјави тој.

Украинскиот лидер ги спомна и американските претставници кои ја делат таа проценка.

Виткоф и Кушнер сметаат дека Русија победува

Украинскиот лидер додаде дека некои американски претставници, вклучувајќи ги зетот на американскиот претседател, Џаред Кушнер и пратеникот Стив Виткоф, веруваат дека Русија ја добива војната, но дека таквата проценка е погрешна.

Зеленски исто така нагласи дека Украина продолжува да води конструктивен дијалог со Вашингтон. Фокусот е ставен на долгорочни безбедносни гаранции.

Примирје и обесштетување, клучни услови

Претседателот на Украина отвори и можност за деескалација. Киев би можел да ги запре нападите врз руската енергетска инфраструктура.

Тоа, како што рече Зеленски, би важело само ако Русија престане со напади врз украинските цели.

Зеленски повтори дека штетата од војната мора да се надомести.

– Русија мора да плати, доброволно или преку механизми – порача тој.

Ова останува еден од клучните услови на Киев.