НЕ СКЕНИРАЈТЕ QR КОДОВИ НА СОМНИТЕЛНИ ПАРКИНГ КАРТИ Измамници се обидуваат да ви одземат пари, предупредува ПОЦ!

Во последните денови се забележани фалсификувани дневни паркинг карти кои циркулираат низ градот. Овие лажни карти се изработени со цел да ве измамат и да ви одземат пари, информираат од Општина Центар.

– На лажната Дневна Паркинг Карта (ДПК) при која се злоупотребени дизајнот и логото на ЈП Паркинзи на Општина Центар. На неа стои QR код кој треба да се скенира и да се изврши онлајн уплата за истата, а истиот води кон веб-адреса која нема поврзаност со ЈП ПОЦ и е со цел преку измама да се извлечат парични средства – велат од Општина Центар.

Оттаму порачуваат граѓаните да бидат внимателни и доколку забележат ваква дневна карта од овој тип веднаш да се јават во ПОЦ.

Од Општина Центар велат дека единствената веб-адреса за онлајн наплата на ДПК на претпријатието е https://users.poc.mk/PayDpk.

„Од наша страна во моментов се преземаат мерки за пријави до надлежните органи и информирање на јавноста со цел заштита на граѓаните“, велат од општината.