Не, ова не е сообраќаен метеж, туку илустрација како коронавирусот удри по џебот на луѓето (ВИДЕО)
Пред два дена, повеќе од 10.000 семејства се појавија во различни центри низ градот за да добијат дел од дистрибуцијата на храна планирана од „Банката за храна“.
Бројни семејства претрпеа голем економски шок за време на пандемијата од коронавирусот, а фотографиите од Сан Антонио можеби се најдобрата илустрација за овој факт.
Пред два дена, повеќе од 10.000 семејства се појавија во различни центри низ градот за да добијат дел од дистрибуцијата на храна планирана од „Банката за храна“. За помош претходно преку Интернет се регистрирале околу 6.000 семејства, но се појавиле скоро двојно повеќе.
Илјадници автомобили се појавија во уште рано наутро на едно големо место за дистрибуција на храна, а некои дури кампуваа ноќта пред тоа. Поради големата побарувачка, дистрибуцијата траеше четири часа подолго од планираното затоа што илјадници луѓе чекаа на ред.
– Денес беше тешко. Никогаш не сме одговориле на толку барања колку што имаме сега – изјави извршниот директор на „Банката за храна“, Ерик Купер.
Дури и планираната дистрибуција беше голем потфат. Група од 400 волонтери дистрибуираше скоро 500 тони храна на пријавените 6.000 семејства.