„НЕ МОЖАМ ДА ПЕАМ“ Јелена Розга ги откажа концертите во Белград поради трагедијата во Загреб

Хрватската пејачка Јелена Розга и организаторот „Скајмјузик“ заедно донеле одлука да ги откажат концертите во белградскиот Сава центар, кои ги имаше закажано за вечерва, 20 декември и за утре, 21 декември.

1,809

По страшната трагедија која рано утринава го погоди Загреб кога во основно училиште загина седумгодишно дете, се огласи Јелена Розга.

Хрватската пејачка Јелена Розга и организаторот „Скајмјузик“ заедно донеле одлука да ги откажат концертите во белградскиот Сава центар, кои ги имаше закажано за вечерва, 20 декември и за утре, 21 декември.






Јелена по тој повод се огласи на Инстаграм и ги соопштила новите датуми.

Новите датуми на концертот се 16 и 17 јануари 2025 година, а влезниците купени за 20 декември ќе важат за 16 јануари, додека билетите купени за 21 декември важат за 17 јануари.

 

 

View this post on Instagram

 

A post shared by Jelena Rozga (@rozgajelenaofficial)


– Згрозена и скршена поради трагедијата во загрепското училиште не можам да пеам вечерва и утре во Сава центар. Го изразувам соето најдлабоко сочувство до сите погодени од овој ужас. Концертите на 20 и 21 декември се одложени, новите концерти се 16 и 17 јануари 2025 година. Ќе има време за песна, сега е време за молк – напиша таа.

Соопштението го објави и компанијата „Скајмјузик“, која е организатор на сите седум концерти на Розга во Сава Центар.

– Со голема тага и неверување ја примивме веста за трагедијата што го погоди Загреб. Во момент кога е најважно да покажеме хуманост, сочувство и солидарност кон оние кои минуваат низ незамислива болка, донесовме заедничка одлука да ги одложиме концертите закажани за 20 и 21 декември. Нашите мисли и срца се со семејството на детето кое го загуби животот во овој трагичен настан, како и со сите повредени и нивните семејства. Во овие тешки моменти, сакаме да го изразиме нашето најдлабоко сочувство и поддршка  – се истакнува во заедничкото соопштение.

 

Поврзани содржини