„НЕ КАЖАВ НА ЖЕНА МИ, НИ НА ДЕТЕТО“ Освоил милиони на лотарија па решил да скрие сѐ од семејството

Добрите вести за неочекувана парична добивка или цело богатство, повеќето од нас би побрзале да ги споделат со семејството и пријателите, но не и еден Кинез. Тој неодамна добил 30 милиони долари на лотарија, но овој факт го криел од сопругата и детето бидејќи „не сакал да бидат мрзливи“.

Добивката на лотаријата се случила на 24 октомври, кога среќникот, кој се претстави само како Ли, освои 219 милиони јуани (29,9 милиони долари) во Нанинг, регионот Гуанкси. Тој дошол во канцеларијата на лотаријата облечен во костим од маскота, вообичаена практика меѓу кинеските добитници на лотарија кои се обидуваат да го скријат својот идентитет од јавноста.

A man who won $30 million on the Chinese lottery says he’ll keep it secret from his wife and child in case it makes them lazyhttps://t.co/GcI6SRt9wm

— Danny Darko (GigaDarko)🌞😎 (@CCDarko7empest) November 2, 2022

Сепак, Ли не сакал да ја крие добивката само од јавноста, туку и од семејството.

– Не им кажав на сопругата и на детето од страв да не станат мрзливи, па поради тоа да не се трудат во иднина – рекол новопечениот милионер.

Во минатото, тој вели дека добивал неколку пати помали суми.

– Лотаријата ја сметам за хоби. Не трошам многу пари на тоа, а ми служи како трошка надеж – објаснил Ли.

Мистериозниот победник донирал 5 милиони јуани во добротворни цели, но не е сигурен што да прави со останатите.