НЕ ГУБАМ ВРЕМЕ НА АНДОНОВ Мицкоски вели дека 4 и пол години го менуваат

Претседателот на ВМРО-ДПМНЕ Христијан Мицкоски денеска изјави дека од неговиот избор за прв човек на опозициската партија се бара негово менување, а партијата станува сѐ појака и пообединета.

Мицкоски не сакаше да го коментира денешното барање на Оливер Андонов и други членови на партијата, за негова смена.

– Кого? Не можам да кажам дека во ВМРО-ДПМНЕ има фракции. Инаку, мене такви луѓе четири и пол години ме менуваат, а ВМРО-ДПМНЕ е сѐ појако, пообединето, посплотено. Така ќе биде и на следните предвремени парламентарни избори со рекордна победа, со мнозинство во Парламентот. За него немам што да го губам вашето време да го коментирам – рече Мицкоски одговарајќи на новинарско прашање за барањето оставка од Андонов и најавената фракција за демократско ревитализирање на ВМРО-ДПМНЕ.