Не ги оставајте децата и миленичињата во автомобил, ако надвор е 38 степени за 5 минути во кола животот е загрозен

Топлотниот бран кој неделава ќе го зафати регионот предизвика  дел противпожарни служби да излезат со предупредување до граѓаните да внимаваат, особено кога се во автомобилите, а температурата е над 30 степени целзиусови.

Така Противпожарната служба во Загреб на својата Фејсбук страница предупредува на големи жештини. Тие објавиле фотографија на која се гледа за колку минути расте внатрешната температура во автомобилот во споредба со надворешната температура.

„ Жештините се тука,  не ги оставајте децата и домашните миленичиња во автомобил“, гласи предупредувањето.

Од фотографијата се гледа дека при надворешна температура од 38 степени, животот е загрозен веќе за 5 минути ако сте во затворен автомобил.