НЕ Е ТОЧНО ДЕКА СУМ ЗАРАБОТИЛА 13.000 ЕВРА, ТОА БЕШЕ ВКУПНИОТ ХОНОРАР ЗА СИТЕ Бојана Скендеровски ги демантира наводите дека е меѓу најплатените пејачи во земјата
Тие пари беа наменети за хонорарите на 13 учесници во проектот, како и за озвучувањето на настанот, што значи дека секој од нас нема заработено повеќе од илјада евра. А, на оваа ужасна скапотија, тврдам дека тоа не се некои големи пари поради кои треба да се тревожат луѓето, реагираше познатата пејачка, откако претходно Центарот за граѓански комуникации ја стави на список на најплатените пејачи во Македонија за 2024 година.
Познатата пејачка Бојана Скендеровски ги демантираше наводите на Центарот за граѓански комуникации дека е една од најплатените пејачи во Македонија. Таа вели и дека наведената сума од 13.000 евра е далеку од вистинската сума која ја добиле изведувачите на проектот „Македонијо во срце те носиме“.
„По објавата на Центарот за граѓански комуникации дека сум на листата со најплатени пејачи за изминатата година, сакам да дадам своја изјава. Поконкретно ќе ја објаснам сумата за која сум исплатена. На 13 септември, Општината Неготино ја организираше традиционалната „Неготинска вечер“, за која јас, како проект-менаџер на проектот „Македонијо во срце те носиме“, бев повикана да дојдам и да настапам со добар дел од изведувачите од споменатиот проект.
Таа сума за која се зборува, а се зборува дека сум заработила 13 илјади евра, воопшто не е точна! Тие пари беа наменети за хонорарите на 13 учесници во проектот, како и за озвучувањето на настанот, што значи дека секој од нас нема заработено повеќе од илјада евра. А, на оваа ужасна скапотија, тврдам дека тоа не се некои големи пари поради кои треба да се тревожат луѓето.
Ние, пејачите во Македонија, за жал, сè уште не можеме да ја постигнеме таа „мрсна сума“, за разлика од нашите колеги од соседството, кои земаат и двојно повеќе од скромната сума за која бев платена како менаџер на проектот, а одговорна таа вечер за 13-мина учесници. И овој пат се приклучувам на ставот дека се даваат премногу пари за пејачите од странство. Замислете што може да се направи за 500.000 евра, а да не се канат странци! Не, не можам ни да замислам. Мислам, секоја чест за настапите на Северина, Јелена Розга, Саша Ковачевиќ, тие ми се колеги, ги почитувам. Но кога ќе се почитуваме ние самите, пред сè меѓу себе, па да бидеме поплатени од сите тие од Србија, Босна или од Хрватска?
Секогаш се тие главни, а ние споредни. Не знам каков е тој македонски парадокс. Дури и во Неготино, за кое се води полемика, ние, македонските пејачи, бевме како некоја предгрупа на босанската ѕвезда Хари Мата Хари. Нели е срамно и жално тоа што се потценуваме самите?“, прашува Бојана.
МИЛИЈАРДЕРОТ Ѝ ДАЛ 2,5 МИЛИОНИ ДОЛАРИ ЗА БЕБЕТО Оваа… Претходно, Центарот за граѓански комуникации објави дека еден милион евра пари на граѓаните општините трошат годишно на изведувачи и на забавни манифестации. Според истражувањето, од јануари до октомври годинава, општините потрошиле на пејачи и на други забавувачи 961.000 евра. До крајот на 2024 година, се очекува дека сумата ќе надмине еден милион евра.
На списокот за најплатени пејачи во Македонија, според Центарот за граѓански комуникации, на прво место во 2024 година е Северина, потоа Јелена Розга и Хари Мата Хари.
