ДЕНЕСКА Е ДЕНОТ НА ШЕГАТА, АМА НАМ НЕ НИ Е ДО ШЕГА Еве зошто се одбележува токму 1 април

Денеска се одбележува 1 април – Денот на шегата. Ова не е национален празник, но насекаде во светот се прославува како ден кога многумина прават шеги и будалаштини.

Вообичаено, на овој ден во земјава дефилираат најмладите маскирани во суперхерои, принцези, бубамари, пчелки, готвачи, лекарки, како и ликови од цртани филмови.

Но, кај нас оваа година нема да се одбележува со големи настани, поради трагедијата во Кочани којашто се случи пред 3 недели. Сите настани кои традиционално се оддржуваат на овој ден, се откажани.

Инаку, Денот на шегата се прославува различно во светот. Во Канада, Нов Зеланд, Обединетото Кралство и Јужна Африка, шегите траат до пладне и оној кој прави трикови после пладне го нарекуваат „априли-ли-ли“ и го исмеваат, додека во Франција, Италија, Јужна Кореја, Јапонија, Русија, Холандија, Германија и други држави, луѓето се шегуваат цел ден.

Точниот датум и причината за потеклото на овој празник не се познати, но многу историчари се согласуваат дека почетокот на прославувањето на Денот на шегата може да се поврзе со настаните од 16 век кога Франција се префрлила од јулијанскиот на грегоријанскиот календар.

Поради бавното ширење на вестите, голем број луѓе не слушнале за преминување на новиот календар и продолжиле да го слават почетокот на новата година во последната недела од март до 1 април, што би одговарало на претходниот начин на пресметување на времето.

Поради нивното „незнаење“, тие станаа тема на шеги и шеги, кои вклучуваа ставање хартиена риба на грбот и нарекување „првоаприлска риба“, што ќе симболизира млада, лесно фатена риба и лековерна личност.