НЕ Е ДОГОВОРЕНО РУСИЈА ДА ПОСТАВУВА УСЛОВИ Рускиот гас ќе го плаќаме во евра, а не во рубљи
Сите текстови што се потпишани се јасни. Ова е забрането, рече францускиот претседател Емануел Макрон на прес-конференција по синоќешниот самит на ЕУ во Брисел.
Францускиот претседател Емануел Макрон синоќа изјави дека нема причина да се прифати барањето на Русија за плаќање на рускиот гас во рубљи.
– Сите текстови што се потпишани се јасни. Ова е забрането – рече Макрон на прес-конференција по синоќешниот самит на ЕУ во Брисел.
Можеби ќе ве интересира
Тој додаде дека „европските компании кои купуваат гас и работат на европска територија мора да го прават тоа во евра“.
– Затоа не е можно да се направи тоа што се бара денеска, тоа не е договорено – изјави Макрон.
Францускиот претседател додаде дека не верува оти Русија сака да ги раскине договорите, но изјави дека, ако е така, тогаш Москва треба тоа да го каже експлицитно, пренесуваат британските медиуми.