„БАЖО, НЕМА ДА ТУРКАШ НА РАЦЕ“ Благојчо ќе го задржи скутерот, Орце Ѓорѓиевски уплати 30.000 денари за лекувањето на Леонид
Објавата на Благојче ме трогна, вели дека тој има сила да се турка и на раце само Лео да оздрави. Не Бажо, нема да се туркаш на раце. Скутерот ќе остане за тебе, а ќе го станеме и Лео на нозе. Сплотени! Ги повикувам сите мои колеги, сите добронамерници да донираат за Лео, онолку колку што можат. Немаме време за чекање. Лео мора да оздрави! Бог да е со нас!“, напиша тој.
Градоначалникот на Кисела Вода, Орце Ѓорѓиевски ја уплатил бараната сума од 30.000 денари од Благојчо Ѓоргиев која тој сакаше да ја донира за лекувањето на Леонид Индов кој е во Виена. Благојчо за возврат го понуди неговиот инвалидски скутер, но Ѓорѓиевски му рекол дека може да го задржи и му се заблагодари за неговиот хуман гест.
„Инвалидниот скутер кој Благојчо го продава ќе остане кај него – уплатив 30.000 денари за лекувањето на Лео! На почеток, морам да кажам дека Благојчо е еден од многуте херои кои ги има Македонија, човек со големо срце на кој му се поклонувам. Вчера ја видов неговата објава каде што го продава својот инвалиден скутер кој му е неопходен, само за малиот Лео Индов да стане на нозе. Го продава, бидејќи државата е глува и се лекуваме со смс пораки. Народот е оставен сам на себе. Но, секогаш се сплотуваме и испишавме многу успешни приказни досега. Објавата на Благојче ме трогна, вели дека тој има сила да се турка и на раце само Лео да оздрави. Не Бажо, нема да се туркаш на раце. Скутерот ќе остане за тебе, а ќе го станеме и Лео на нозе. Сплотени! Ги повикувам сите мои колеги, сите добронамерници да донираат за Лео, онолку колку што можат. Немаме време за чекање. Лео мора да оздрави! Бог да е со нас!“, напиша тој.
По оваа информација за уплатата, Благојчо Ѓоргиев се огласи на Фејсбук и му се заблагодари на градоначалникот Ѓоргиевски пред сè за неговата хуманост, но и дека неговата понуда сè уште важи дека секој што ќе уплати пари ќе може да го земе скутерот.
„Секоја чест за човештината – на Македонија им требаат повеќе луѓе како Орце Ѓорѓиевски, во меѓувреме ми се јавија уште двајца луѓе кој ми ветија дека ќе уплатат пари, а јас да си го задржам инвалиднот скутер. Но понудата моја сè уште останува дека скутерот може да го земе секој што ќе уплати пари за лекувањето на Лео до негово конечно заздравување!!! П.С. Ако сака некој да биде човек помеѓу луѓето денес е многу лесно, бидејќи конкуренцијата е многу мала … Бог со нас и пред нас, а ние по него“, напиша Благојчо.