Навални сепак ќе лета за Берлин, руските доктори дозволија
Ова се случи откако соработниците на Навални ја обвинија власта дека се обидува да спречи негова евакуација.
Докторите од болницата во Омск одлучија доцна попладне тешко болниот руски опозициски лидер Алексеј Навални да биде пренесен во Германија за натамошно лекување. Ова се случи откако соработниците на Навални ја обвинија власта дека се обидува да спречи негова евакуација.
Германските доктори претходно го прегледале Навални и тие дале препорака дека може да се превезе во Германија, Тие допатуваа со амбулантен авион по Навални на барање на неговата сопруга.
Рускиот опозициски лидер падна во кома во авион, а од неговиот кабинет тврдеа дека е отруен со чај што го испил во кафетерија на аеродром. Пренесен беше во болница во Омск каде што како што рекоа докторите бил во кома но не бил отруен.
Авиокомпанијата негираше дека Навални јадел и пиел нешто во авионот.
Руските власти најавија истраг, а лидерите на Франција и Германија Емануел Макрон и Ангела Меркел понудија лекарска помош и азил. Претседателот на САД Доналд Трамп, пак изјави дека се следат случувањата.
Реагираше и Европскиот суд за човекови права кој денеска одлучува за неговото право да се лечи во друга земја.