Научниците одговорија на клучните прашања за болните без симптоми: Само едно обично издишување може да биде кобно!

Асимптоматските носители на ковид-19 се една од најголемите загатки кога станува збор за пандемијата која го напаѓа целиот свет. Додека едни заболени од коронавирусот имаат разни симптоми, некои други немаат никакви симптоми и не се ни свесни дека се болни.

Вилијам Петри, професор за микробиологија во Вирџинија, специјализиран за заразни болести, за „Тhe Conversation“ објаснува неколку најважни работи поврзани со асимптоматските носители на вирусот.

Колку е често луѓето да се заразени, а да не знаат дека се болни?

Факт е едка инфекцијата без никакви симптоми е честа појава. Можеби најдобар пример е примерот за тифузната Марија, која ја ширела тифузната грозница меѓу луѓето, а самата таа немала симптоми. Тоа се случувало на почетокот на 1900 година.

Јас и моите колеги откривме дека телото се бори против многу инфекции, а дека човекот може воопшто да не знае дека тоа е така. На пример, кога внимателно ги следеме децата поради заразата со паразитот „Cryptosporidia“, половина од децата кои беа заразени воопшто немаа симптоми.

Во случај на грип, проценките се дека од 5 до 25 отсто од инфекцијата се случува без симптоми.

Симптомите се главно нуспојави на борбата против инфекцијата. Потребно е малку време за имунолошкиот состав да ја активира одбраната, па затоа некои случаи се сметаат за пресимптоматски отколку за асимптоматски.

Како може некој да го шири ковид-19, а да не кашла и да не кива?

Сите внимаваат на капките кои заразените ги распрскуваат преку кашлање и кивање. Тоа е една од главните причини зошто здравствените власти постојано сугерираат да се носат заштитни маски.

Но, вирусот исто така може да се шири и преку нормално издишување со тоа што во воздухот се исфрлаат мали капки кои можат да содржат и ситни капки со ковид-19.

Обичното издишување може да го прошири вирусот на неколку метри.

Колку е заразна асимптоматската личност?

Без оглед на сè, ако сте биле изложени на ризик да бидете заразени со ковид-19, треба да бидете во самоизолација 14 дена. Дури и ако се чувствувате добро, сè уште постои опасност дека можете да го проширите вирусот на други луѓе.

Токму способноста за пренесување на вирусот од страна на луѓето без симптоми е главната причина за пандемијата.

По асимптоматска инфекција, може ли некој и понатаму да има антитела во телото?

Голем број луѓе развиваат антитела по оздравувањето, па дури и оние без симптоми. Разумна е претпоставката дека тие антитела ќе понудат одредена заштита од реинфекција. Но, сè уште не е ништо сигурно. Неодамнешното серолошко истражување во Њу Јорк покажа дека дури еден од пет жители претходно би можел да биде заразен со коронавирусот. Нивниот имунолошки систем се борел против ковид-19, без разлика на тоа дали тие биле свесни дека се заразени.

Колку е раширена асимптоматската инфекција со ковид-19?

Никој не знае за сигурно. На пример, јапонските државјани кои беа евакуирани од кинескиот град Вухан и кои беа тестирани на ковид-19, дури 30 отсто од нив беа заразени без симптоми. Италијанското истражување покажа дека 43 отсто од луѓето кои се позитивни на коронавирусот не покажале симптоми.