Натпреварот против Украина е најгледан телевизиски пренос годинава во Англија
Четвртфиналниот натпревар од ЕУРО2020 во кој Англија ја совлада Украина е најгледан телевизиски настан во Англија годинава, објави денеска Би-Би-Си, наведувајќи дека преносот го следеле 20.9 милиони гледачи.
Англија во саботата вечер на Олимпискиот стадион во Рим убедливо ја совлада Украина со 4:0 и за првпат по 1996 година обезбеди пласман во полуфиналето на Европските првенства.
Можеби ќе ве интересира
Последна пречка на Англичаните за пласман во финалето ќе им биде репрезентацијата на Данска.
Натпреварот ќе се игра на 6 јули на лондонски „Вембли“, стадионот на кој Англија последен пат играше финале на големите натпреварувања во кое во 1966 ја совлада Западна Германија и ја освои светската титула.