НАТО ДА ЈА ИЗБРКА ТУРЦИЈА Познат аналитичар во колумна за Си-Ен-Ен предлага исклучување од Алијансата

„НАТО едноставно треба да го отвори патот за прием на Шведска и Финска. Што е најлошото што Турција може да го направи – ќе тужи? Ќе се повлече? И онака сериозно се размислува за исклучување на Турција од НАТО – посебно откако Ердоган ги купи руските С-400 одбранбени системи од Русија“.

Вака пишува познатиот новинар и аналитичар Дејвид Анделман во колумна за Си-ен-ен. За Анделман приемот на двете скандинавски држави и пречките што ги претставува Турција во организацијата се поважни од тоа што Турција ја има втората по големина активна армија во НАТО после САД. И тоа што истата оваа армија управува со Босфорот и влезот во Црното море.

Анделман има слична идеја и во врска со нафтеното ембарго на ЕУ, кое според него, Европа треба да го спроведе без разлика на ветото на Виктор Орбан.

„Направете ги Орбан и Ергодан небитни. Останатите 26 земји-членки треба едноставно да го воведат ембаргото“, вели аналитичарот.

„Сега е време за демократиите да стиснат заби и да прогласат дека е доста, и дека правдата мора да победи. На крај, сите ќе излеземе посилни заради тоа“, додава Анделман.

Откако Турција постави 10 свои барања за да каже „да“ за Шведска и Финска во НАТО, приемот на овие две земји во Алијансата би можел да се пролонгира.