НАТАША КОТЛАР ИМА УНИКАТЕН ПРОЕКТ ЗА ВРАБОТУВАЊЕ Младите ќе бидат ослободени од давачки во првите 3 години

Наташа Котлар-Трајкова, кандидатката за градоначалник на општина Центар поддржана од ВМРО-ДПМНЕ и здружената коалиција во програмата има посебен сегмент за вработување на младите.

„Во општина Центар ќе формираме Иновативен парк за млади, ќе обезбедиме простор за ваков модерен концепт, прв во Република Македонија. Зградата ќе биде монтажна, со модуларна инфраструктура. Овозможуваме иновативни и старт-ап компании кои работат на апликативни решенија од сите области: технологии, дизајн, продукција, агро бизнис и сл“, се вели во програмата на кандидатката за градоначалник на општина Центар.

Во првите 3 години, компаниите ќе бидат ослободени од давачки.

Целта е размена на креативни идеи, вмрежување, работа на заеднички проекти и привлекување на инвестиции. Паркот ќе се поврзе со факултетите и институтите, со цел спојување на науката и практиката преку низа на пред се, апликативни проекти. 

За јавен, а не за интересот на поединци!, истакнуа Котлар – Трајкова.