НАШИОТ ЕНИС БАРДИ ПОСТИГНА ГОЛ ПРОТИВ ВАЛЕНСИЈА Трет погодок сезонава за македонскиот репрезентативец

Македонскиот фудбалски репрезентативец, Енис Барди се запиша во списокот на стрелците на синоќешниот дуел на неговиот тим Леванте со градскиот ривал Валенсија. Натпреварот заврши со победа на Валенсија 4:3, а Барди погоди во првата минута од судиското надополнување на второто полувреме.

По 18 одиграни натпревари Леванте се наоѓа на последното место во Ла Лига со само осум бодови и без ниту една победа.

За Барди ова беше трет гол во шпанското првенство оваа сезона. Претходно два пати ја затресе мрежата на Атлетико Мадрид.

Валенсија е седма со 28 бода.