НАРОДОТ ОДЛУЧИ, РУСИЈА СЕ ПРЕРОДИ, КИЕВ ДА ПРЕКИНЕ Путин вели „Нив не им треба Русија, нам ни треба!“
Апелираме киевскиот режим да ги прекине сите борбени операции и да се врати на преговарчката маса. Ние сме подготвени за тоа. Изборот на луѓето од овие четири области нема да се дискутира, зборуваше Путин.
Златните врати на салата св.Ѓорѓи се отворија и Владимир Путин го одржа својот говор во Кремљ. Рускиот претседател нагласи дека „луѓето од окупираните региони во Украина се наши граѓани засекогаш”.
– Народот ја донесе својата одлука и денеска ќе го потпишеме документот за анексија на регионите Доњецк, Луганск, Херсон и Запорожје. Тоа е волја на милиони луѓе – го започна својот говор рускиот претседател.
– Резултатите се познати, добро познати – додаде тој.
Киев да прекине и да седне на маса
– Осум долги години луѓето во Донбас беа под пукање и блокади. Кон нив се негуваше омраза против Русија. Режимот во Киев вршеше репресија. Апелираме киевскиот режим да ги прекине сите борбени операции и да се врати на преговарчката маса. Ние сме подготвени за тоа.Изборот на луѓето од овие четири области нема да се дискутира – зборуваше Путин.
Русија се прероди
Тој се осврна на силата и односот на Русија кон западните сили.
– Русија се прероди, зајакна и го зазеде своето место во светот. Западот бараше можности да ја нападне и ослабне Русија. Тие сонуваа да се скараат со народите и да ја уништат нашата земја. Тие не можат да се помират дека постои земја што има свои ресурси и народ кој нема да живее под туѓ диктат – потцрта претседателот на Русија.
– Сигурен сум дека Федералното собрание ќе ги поддржи четирите нови субјекти на Руската Федерација… затоа што тоа е волја на милиони луѓе – објасни Путин, a потоа следеше огромен аплауз.
Многу Руси се бореле за „овие“ земји
Тој понатаму рече дека резултатите се „природно право“ на оние што гласале. Путин сега се враќа во историјата – тврдејќи дека многу генерации Руси се бореле за овие земји.
Потоа тој ги повика присутните на едноминутно молчење за сите загинати во Донбас.
Русија „ќе ги обнови градовите и селата“
Путин рече дека сака сите во Киев и на Запад да слушнат дека оние во регионот на Донбас засекогаш ќе станат руски државјани, вели тој. Киевските власти треба „да го сфатат овој израз на волја со голема почит“, тврди тој.
Тој вели дека Русија ќе ја заштити својата земја со сите средства што ги има „да обезбеди безбеден живот за нашиот народ“.
Русија ќе ги обнови урнатините во градовите и селата и ќе развие инфраструктура и здравствена заштита и образование. Тој вели дека Москва ќе работи на безбедноста за сите граѓани да се чувствуваат поддржани од „секој дел од нашата голема татковина“.
Путин зборуваше и за обнова на инфраструктурата, но не посочи дека Русија е таа што ја уништила на прво место.
Западот се обидува да ја растури Русија
Владимир Путин ги повторува претходните тврдења дека Западот се обидува да ја фрли Русија на колена, уште од падот на Советскиот Сојуз. Западот сака да ја преземе Русија со новите валути и технолошкиот развој, тврди тој, додавајќи дека Западот се обидува да ја поништи руската култура.
– Тие се бесни што постои толку богата земја – укажувајќи на огромните руски минерални и други ресурси.
Руската економија е погодена од санкции по инвазијата на Украина во февруари, при што Европската унија се обидува да се одвикне од увозот на гас.
На „алчниот“ Запад не му треба Русија, туку нам
Путин го опишува Западот како „алчен“, велејќи дека сака Русија да биде нејзина „колонија“. Затоа, продолжува тој, Западот води „хибридна војна“ против Русија.
– Тие не сакаат да нè видат како слободно општество. Тие сакаат да не гледаат како толпа робови – тврди тој.
И, уште еднаш по силниот аплауз, тој повтори:
– Ним не им треба Русија. Нам ни треба Русија!
Путин ги допре западните елити и нивната политика.
– Русија е голема земја 1000 години и нема да живее под вештачки и лажни правила. Таканаречениот Запад е тој што ги погази принципите на неприкосновени граници и тие одлучуваат кој што има право да прави, а кој не. Кој им даде право да го прават тоа? Затоа луѓето се за права, граѓаните на Херсон, Доњецк, Луганск и Запорожје. Западните елити негираат суверенитет и права, означуваат цели народи и земји. Нема ништо ново во тоа. Останатите се колонизатори, ги дискриминираат и ги делат луѓето во прва и втора категорија.Тоа е расизам и русофобија која се шири низ целиот свет. Кој не е со нас тој е против нас и е со нив. Тие бараат од другите народи да се покајат за она за што тие не беа виновни – додава Путин.
Тој ја опиша политиката на Западот.
– Западните земји со векови велат дека сакаат да донесат демократија во државите. Всушност, обратно е прашањето за ропството и насилството… САД се земја која употреби нуклеарно оружје двапати – во Хирошима и во Нагасаки… Ги уништија градовите во Германија без причина, само да покажат сила и да му се закануваат на светот . Ја окупираа Кореја, Германија… Дури и ги прислушува лидерите на тие земји, а државите го прифаќаат тоа. САД развиваат хемиско оружје, експериментираат врз луѓе и велат дека тоа е оправдано – рече тој.
Рускиот претседател зборуваше и за транспортот на пченицата од Украина.
– Сега транспортираат пченица од Украина, а каде оди? Најмалку оди во сиромашните земји.
Тој ја спомена руската култура и историскиот однос меѓу Русија и западните сили.
– Создадовме од Русија силна и централизирана држава која се разви на руската култура и православието. Западот успеа да го достигне богатството на Русија кога нашата земја беше уништена. Тие нè нарекуваа пријатели и партнери, но всушност ни вадеа пари во различни начини – суровиот претседател на Русија.
Тој ги спомна Соединетите Американски Држави и нивните наводни цели.
– Диктатот на Америка се заснова на брутална сила. Тоа во суштина е право на посилниот. Оттука произлегуваат стотиците воени бази ширум светот и проширувањето на НАТО. Тоа се обиди да се создадат нови воени сојузи. Сите земји кои се подготвени и способни да се спротивстават на хегемонијата на САД се прогласени за непријатели – рече Путин.
Путин ги обвини Англосаксонците дека се одговорни за она што се случи со Северен тек и изјави дека е јасно кој е одговорен за оваа ситуација.
– Кога нешто не им се допаѓа на САД, воведуваат санкции – рече рускиот претседател.
– Западот сега печати пари, но со тие пари не можете ниту да се нахраните, ниту да се стоплите. Потребна им е храна и енергија. Ќе мора да јадат помалку, помалку да се тушираат и да се облекуваат подобро – додаде Путин.
Колкав дел од Херсон и од Запорожје ќе биде анектиран?
Кремљ денеска објави дека допрва треба да „разјасни“ дали Москва ги анектира сите украински региони Херсон и Запорожје или само деловите окупирани од Русија.
„Што се однесува до (границите на) регионите Керсон и Запорожје, морам да објаснам“, изјави портпаролот на Кремљ, Дмитриј Песков, на новинарите два часа пред церемонијата на која Владимир Путин треба да го официјализира припојувањето на четири украински региони кон Русија.
Од 23 до 27 септември во Донбас се одржаа референдуми за присоединување на Доњецката Народна Република, Народна Република Луганск, регионите Херсон и Запорожје во Русија.
Врз основа на 100 отсто од обработениот материјал, 99,23 отсто од граѓаните гласале за обединување со Русија во Доњецката Народна Република, 98,42 отсто во Народна Република Луганск, 87,05 отсто во Херсонската област и 93,11 отсто во Запорожјската област.
Путин минатата недела изјави дека ќе ја поддржи одлуката на жителите на Донбас, Запорожје и Керсон. Украина не ги признава резултатите од референдумот.