НАПАДНАТАТА НАСТАВНИЧКА Е ПРОБОДЕНА СО НОЖ 31 ПАТ! Грозоморни детали од стравичниот напад во училиштето во Загреб
Од Министерството за здравство на Хрватска изјавија дека се хоспитализирани три деца и тие се во стабилна состојба.
Наставничка (62) која вчера беше нападната додека се обидувала да го спречи колежот на учениците во училиштето „Пречко“ во Загреб е избодена со нож 31 пат!
Таа е во стабилна состојба, дише со помош на апарати, соопштија лекарите.
– Наставничката е во стабилна, сè уште дише со помош на механичка вентилација. Денеска ќе имаме дополнителна дијагностика во нејзиниот третман – одговориле за хрватските медиуми од загребската клиничка болница „Свети дух“.
Од Министерството за здравство на Хрватска изјавија дека се хоспитализирани три деца и тие се во стабилна состојба.
Во нападот со нож е убиено 7-годишно дете.
Утрото по трагедијата пред основното училиште владее тишина и тага. Полицијата ја заврши истрагата, така што улицата до училиштето е слободна за поминување. Училиштето сè уште е оградено со полициска лента, а го обезбедуваат десетина полицајци.
Во Хрватска денеска е ден на жалост.
Напаѓачот има 21 година. Тој е уапсен.