НАМЕСТО ПЛАТИТЕ ДА РАСТАТ, ПОСКАПУВА СТРУЈАТА Стопанството е на колена, тврдат од ВМРО-ДПМНЕ
Стопанство во државата е на колена, а најавеното ново покачување на струјата додатно ќе ја ослабе и така урнисаната економија во државата.
Од наредниот месец, граѓаните ги очекува нов ценовен шок со најавеното драстично покачување на електричната енергија. Новите сметки за електрична енергија ќе бидат повисоки за над 20%. Со зголемувањето на струјата очекувана е зголемена инфлација која ќе удри директно по џебот на граѓаните, порачуваат од ВМРО-ДПМНЕ.
– Граѓаните ќе плаќаат повисоки сметки за струја, како и големи акцизи на горивата за полнење на Буџетот за да можат функционерите на СДСМ и ДУИ да крадат и луксузираат. Недомаќинското работење со енергетските капацитети со години допринесе Македонија да е увозно зависна на електрична енергија, неместо да произведува, а со тоа и да ја регулира високата цена на струјата на светските берзи – се вели во партиското соопштение.
Од ВМРО-ДПМНЕ сметаат дека глави причини за растот на цената на струјата се тендерите во 4 очи во РЕК Битоала, негрижата и отсуството на модернизација на енергетските капацитети, хавариите кои се случија изминативе 5 години, како и празнењето на вештачките акумулации.
– Стопанство во државата е на колена, а најавеното ново покачување на струјата додатно ќе ја ослабе и така урнисаната економија во државата. Секој ден стотици граѓани остануваат без работа, а над 450 илјади луѓе живеат на раб на сиромаштија. Додека кризата го јаде стандародот на граѓаните, власта останува глува на барањата на работниците за зголемување на платите – додаваат од ВМРО-ДПМНЕ.
