НАЕСЕН ПО НОВ ПАТ ЌЕ СЕ ВОЗИ И ОД ШТИП ДО КОЧАНИ Бочварски вели се гради внимателно да нема штета на земјоделието
Пред една недела жителите на неколку села во кочанско протестираа и бараа да се адаптира атмосферскиот канал преку кој ќе поминуваат трактори и комабјни.
Вториот дел од експресниот пат од Крупиште до Кочани се очекува да биде пуштен за сообраќај оваа есен, најави министерот за транспорт и врски Благој Бочварски по денешното пуштање на крстосницата во Штип.
Тој рече дека оваа делница се гради, а насоките до надзорниот инженер и до сите учесници во изградбата е да бидат крајно внимателни.
-Околните ниви и површини кои се наоѓаат лево и десно на самиот пат и да не направиме штета на земјоделските површини и заради тоа крајно винателно се водат градежните работи. Конкретно ќе ги разгледаме сите прашања и проблеми, коишто досега не сме ги разгледале и доколку има можност секако ќе реагираме, за да направиме уште еденм исчекор кон подобрување на инфраструктурата, но мора да знаеме и дека се работи за експресен брз пат, којшто е замена за стариот пат – вели Бочварски.
Пред една недела жителите на неколку села во кочанско протестираа и бараа да се адаптира атмосферскиот канал преку кој ќе поминуваат трактори и комабјни.