НАД РАОВИЌ МОРА ДА СЕ ГАСИ ОД ЛЕТАЛО Еден крак од пожарот ита кон Матка

Општината Сарај бара армиско летало во помош за гасење на пожарот над селото Раовиќ.

Од ловиштето „Јасен“ известуваат дека има 24-часовно дежурство на делот на планината кон ловиштето. Во моментов пожарот е смирен и нема опасност за да се прошири кон ловиштето. Се гледа чад од страна на село Раовиќ, каде гори мешана шума и е на доста непристапен терен.

Од Шумското стопанство „Караџица“, пак, известуваат дека пожарот над Раовиќ се дели на два крака – едниот е насочен кон Матка, додека другиот оди далеку над селото Раовиќ, на многу непристапен терен, каде од утринските часови на терен се екипи од Армијата и на ДЗС и локалното население.

Се планира гасење од воздух.