НА СВЕТОТ СЀ ПОМАЛКУ МУ Е ПОТРЕБНА НАФТА Дневната побарувачка годинава ќе се намали на 1,1 милион барели

Глобалната побарувачка на нафта ќе забави од 2,3 милиони барели на 1,1 милиони барели дневно во 2024 година, предвидува Меѓународната агенција за енергетика (ИЕА) во мајскиот извештај.

Прогнозата за 2024 година е намалена за околу 100.000 барели дневно од претходната априлска проценка бидејќи ИЕА гледа дека растот на побарувачката на нафта се враќа на својот историски тренд по екстремната нестабилност во годините на пандемијата и војната во Украина.

Според извештајот, слабата индустриска активност и благите зимски температури ја намалија потрошувачката на енергија во првиот квартал од 2024 година, особено во Европа.

Организацијата на земјите извознички на нафта (ОПЕК), пак, во својот последен мајски месечен извештај објавен вчера, објави дека очекува побарувачката на нафта да порасне за 2,2 милиони барели дневно (bpd) во 2024 година и дополнителен раст на побарувачката од 1,8 милиони барели во 2025 година.