На судијата Туфегџиќ му се одзеде гласот читајќи ги воведните зборови

Судијата Владимир Туфегџиќ на крајот на денешното судење за предметот „Таргет-Тврдина“ им се извини на присутните и на јавноста поради проблемите што ги имаше со гласот во воведните зборови.

– Да се извинам на сите и да не ми замеруваат за мојата недоследност на почетокот на денешното судење кога поради маската за заштита од коронавирусот јас за момент го загубив гласот. Им се извинувам на сите – рече Туфегџиќ.

По почетокот на првата пауза на прашање од колегите што му се случило со гласот Туфегџиќ рече: Не знам што ми стана, ми се одзеде гласот.

Ова случајно беше снимено од микрофоните кои останаа вклучени за време на паузата.

Видливи беа и реакциите на обвинителите на неговото испрекинато излагање.