НА ПОВИДОК Е КАТАСТРОФА? Украинските сили ја гранатирале нуклеарната централа Запорожје (ФОТО/ВИДЕО)

Украинската нуклеарна централа Запорожје, најголемата нуклеарна централа во Европа, денеска била гранатирана, јави руската државна новинска агенција Тас.

Се додава дека гранатите биле испукани од Украина и паднале во близина на сув магацин и оти не се откриени радиоактивни емисии.

Ренат Карча, советник во рускиот оператор за нуклеарна енергија Росенергоатом, изјави дека 15 гранати биле испукани врз објектите на централата.

New footage from #Kadyrov ‘s residents, who settled at the #Zaporizhzhya nuclear power plant. pic.twitter.com/0efM8Sqbtv

— Wake Up Waverly (@WaverlyWakeUp) November 20, 2022

Меѓународната агенција за атомска енергија (МААЕ) потврди дека „силни експлозии синоќа и денеска ја потресоа областа на нуклеарната централа Запорожје”.

– Експертите на МААЕ во Запорожје известуваат за десетина и повеќе експлозии од очигледно гранатирање и оштетени се некои згради, системи и опрема на локацијата, но ниту една досега не е критична за нуклеарната безбедност и сигурност – соопшти МААЕ.

Директорот на МААЕ Рафаел Гроси повика гранатирањето веднаш да престане.

– Кој и да стои зад ова, мора веднаш да престане. Како што реков многу пати досега, си играте со оган! – нагласи Гроси.

Тој го повтори својот апел до двете страни во конфликтот да се договорат и што е можно поскоро да создадат зона за нуклеарна безбедност и сигурност околу Запорожје. Во последните месеци тој се вклучи во интензивни консултации со Украина и Русија за формирање на таква зона, но засега нема договор.

– Не се откажувам додека оваа зона не стане реалност. Како што покажува тековното очигледно гранатирање, тоа е потребно повеќе од кога било – рече Гроси.