НАЈМАЛОТО БЕБЕ ВО МАКЕДОНИЈА ИМАЛО 480 ГРАМА Поголеми шанси за предвремено родените бебиња

Како директна последица на постојано унапредување на условите и модернизација на Клиниката за гинекологија, од 2016 до 2021 тие успеале да ја намалат смртноста кај предвреме родените бебиња од 26% на само 8% со тенденција овој процент и натаму да паѓа.

Од плусинфо Објавено 17/11/2021 15:27:29

Денес кога во светот се одбележува денот на предвреме родените бебиња, на настанот по овој повод на скопскиот плоштад беше речено дека најмалото бебе кое било родено во Македонија е родено во 23-тата недела од бременоста, но тежело малку повеќе од друго бебе кое било родено во 24-тата недела, а тежело само 480 грама. Во светот пак, рекордот го држи момче од САД, родено во 21-та недела од бременоста и тешко 420 грама.

Можеби ќе ве интересира

ИСТОРИСКО ЗГОЛЕМУВАЊЕ НА КАПИТАЦИЈАТА ЗА МАТИЧНИТЕ ЛЕКАРИ…

плусинфо 07/04/2025

📷 ДЕЦА ПРОДАВАНИ И КУПУВАНИ ВО БРЧКО Полицијата спасила 31…

плусинфо 26/02/2025

На настанот по повод Светскиот ден на предвреме родените бебиња на плоштадот Македонија присуствуваа министерот Филипче и директорките на клините за гинекологија и педијатрија, Викторија Јовановска и Аспазија Софијанова.

Во изјавата за медиуми министерот Филипче им честиташе на експертите кои работат на делот за неонаталогија и посочи дека стратегијата за инвестирање во опрема и подигање на знаењето е направена уште пред 4 години и благодарение на странски експерти се воведени многу нови протоколи за лекување.

„Искрено верувам дека со истиот ентузијазам, истата енергија, истата посветеност колегите ќе продолжат да работат и понатаму, најголем акцент ставаме таму кадешто е најбитно, а тоа е здравјето на младите, односно бебињата“, изјави Филипче.

Според него, денешниот ден е еден битен ден за одбележување, затоа што укажува на тоа колку е важно и што значи да се подобри целокупниот систем во било која земја во светот за да се подобри степенот на преживување на предвреме родените бебиња.

Повеќе за ова на порталот „Мајка и дете“.