На Гинекологија извадена циста тешка 90 килограми од 45-годишна жена, досега најголема во Европа ВИДЕО
На Клиниката за гинекологија и акушерство во Скопје била примена жена во тешка здравствена состојба – таа имала циста во стомакот која тежела 90 килограми.
Тимот на медицинскиот персонал заедно со гинекологот Игор Алуловски и голем тим анестезиолози вршеле 5-часовна операција врз 45-годишната жена.
Можеби ќе ве интересира
„За да ја извршиме операцијата, моравме прво да го испразниме туморот. Беше извадена околу 65 литри густа течност, а самиот тумор тежеше близу 90 килограми. Пациентката беше донесена во крајно влошена состојба, во аспект на дишењето и работата на другите органи низ целото тело“, вели Алуловски за „Канал 5“.