НА ЧЕКОР СМЕ ДО ИСТОРИСКИ СОСТАНОК Џеј Ди Венс најавува датум за преговори меѓу Зеленски и Путин
САД ја водат иницијативата за мирни преговори, додека Трамп најави средба со Путин на 15 август во Алјаска.
Потпретседателот на САД, Џеј Ди Венс, денеска изјави дека се работи на утврдување на датум кога украинскиот претседател Володимир Зеленски и рускиот претседател Владимир Путин би можеле да седнат на преговарачка маса за завршување на војната во Украина.
Венс нагласи дека нема да биде продуктивно таков состанок да се одржи пред двајцата лидери да се сретнат со американскиот претседател Доналд Трамп. Тој додаде дека САД ќе продолжат со отворен дијалог со Украина и со претседателот Зеленски, со цел да се поттикне мирно решение.
Претходно, Доналд Трамп објави дека планира да се сретне со рускиот претседател Владимир Путин на 15 август во Алјаска, при што е отворен за можноста за трилатерален состанок на кој би учествувал и Зеленски.
Информативната агенција Блумберг јави дека американските и руските претставници работат на договор кој би ја запрел војната и би ја потврдил руската контрола врз окупираните територии од почетокот на инвазијата.