НА БРОДОТ ШТО ГОРИ НА БРЕГОТ НА ХОЛАНДИЈА ИМАЛО 498 ЕЛЕКТРИЧНИ АВТОМОБИЛИ Пожарот најверојатно го предизвикала батерија во овие возила
Крајбрежната стража вчера на својата веб-страница објави дека причината за пожарот е непозната, но на снимката на холандската телевизија RTL се слуша како лице од службата за итни случаи вели дека „пожарот започнал во батерија на електричен автомобил“.
Товарниот брод кој од вторникот вечерта гори крај холандскиот брег превезувал речиси 500 електрични возила, значително повеќе од 25-те како што беше првично наведено, објави денеска компанијата за изнајмување бродови „К Лајн“.
-Во пожар на товарниот брод „Фремантл хајвеј“, регистриран во Панама, кој превезувал нови автомобили, загинал индиски член на екипажот, а повредени се седум членови на екипажот кои скокнале во морето за да се спасат. На бродот имало 3.783 возила, вклучително и 498 електрични возила – изјави портпаролот на токиската K Line (Kawasaki Kisen Kaisha), која го изнајмила бродот.
Тој не открие ништо за марките на автомобилите или дали бродот превезувал јапонски автомобили, иако претходно компаниите „Мерцедес“ и „БМВ“ потврдија дека на бродот имало повеќе автомобили од нивно производство.
Крајбрежната стража вчера на својата веб-страница објави дека причината за пожарот е непозната, но на снимката на холандската телевизија RTL се слуша како лице од службата за итни случаи вели дека „пожарот започнал во батерија на електричен автомобил“.
Литиум-јонските батерии на електричните возила горат со двојно поголема енергија од вообичаениот пожар, а поморските власти и осигурителите компании велат дека индустријата не успеала да држи чекор со ризиците.
Панамските поморски власти започнаа истрага, а Холандија помага во истрагата, објави холандскиот одбор за безбедност.
Товарниот брод долг 199 метри сѐ уште гори и плови на околу 17 километри од најсеверниот холандски брег и може да предизвика гиолема еколошка катастрофа во област заштитена од УНЕСКО, соопшти крајбрежната стража.
Бродот натоварен со над 3.000 возила пловел од Германија до Египет, а агенцијата ДПА посочува дека крајната дестинација бил во Сингапур.