Најбогатите луѓе во светот ги свртуваат едрата на своите супер јахти кон Грција

Грција, домот на Акропол, на бело варосаните куќи на Миконос и Санторини и на прекрасниот брег на Крф, повторно е отворена за патување и богатите луѓе стигнуваат до нашиот јужен сосед како никогаш порано.

Егејот за прв пат се најде на врвот на листата на повеќето супер јахти на „Блумберг“ со најмалку 194 супер јахти закотвени покрај неговите брегови на 25 јуни.

Ова е скок од повеќе од 80 во минатиот месец во време кога туристичките сезони на бреговите на Средоземното море, Егејот и Јадранот цветаат на почетокот на летото и покрај постојаната пандемија.

Ријалити sвездите од семејството Ричи, легендата на кошарката Меџик Џонсон и австралискиот медиумски магнат Џејмс Паркер се меѓу ѕвездите забележани на јахтите во Грција во минатата недела, а бродовите за кои се верува дека се во сопственост на милијардерите Дејвид Гефен, Абдулах ал-Футаим и Ернесто Бертарели беа закотвени на крајбрежјето, според податоците анализирани од „Блумберг“.

Грција, која вакцинираше 37% од своето население, мораше да се бори против болеста во ноември 2020-та година и март-април оваа година. Земјата ги отвори своите граници за странски туристи на 14-ти мај без барања за карантин, доколку посетителите имаат сертификат за вакцинација или негативен ПЦР тест за ковид-19.

Но, не се сите среќни.

Германската канцеларка Ангела Меркел и францускиот претседател Емануел Макрон неодамна ја критикуваа Грција и другите земји зависни од туризамот за прифаќање посетители кои биле вакцинирани со помалку ефикасните кинески и руски вакцини.

Засегнатата туристичка индустрија сочинува над 25% од работните места во Грција и околу една петтина од економијата на земјата. Грција е на 18-то место според бројот на пристигнати странски туристи од 2015 до 2019 година, со просек од 30,3 милиони посетители, покажуваат податоците на Светска банка.