На аукција пиштолот на Шон Конери од првиот Бондов филм

Пиштолот Валтер ПП, кој Шон Конери го користеше во првиот филм за Џејмс Бонд ќе се најде на аукција идниот месец во Лос Анџелес и би можел да биде продаден за дури 200.000 долари.

Шкотскиот актер кој почина минатиот месец во својата куќа на Бахамите, со тој пиштол ракувал во филмот „Др.Но“ во 1962 година.

– Силуетата на агентот 007 со пиштол во рака е најпозната слика од целиот серијал и една од најпрепознатливите во поп културата воопшто – вели Мартин Нолан, извршен директор на аукциската куќа „Julien’s Auctions”.

И во идните 25 филмови, различни верзии на „Валтер“ и натаму на Бонд му се најдраг избор за лично вооружување. Пиштолот ќе биде еден од 500 филмски реквизити кои ќе бидат понудени на аукцијата на Беверли Хилс на 3 декември.